काठमाडौं- शहीद स्मारह ए डिभिजन लिग फुटबल अन्र्तगत आज भएको दोस्रो खेलमा विभागीय टोली नेपाल आर्मीले च्यासल युथ क्लबलाई हराएको छ।
सातौँ चरणको अन्तिम खेलमा आर्मीले ३-० गालको जित निकाल्दै लिगको अंक तालिकामा ३ अंकको अग्रता बनाएको हो।
खेलको दोस्रो र सातौँ मिनेटमा च्यासलका फरवार्ड सन्तोषको प्रहार आर्मीका किपर विकास कुथुले सजिलै नियन्त्रणमा लिएका थिए। त्यसपछिका प्रहारले पनि गोलको रुप लिन सकेनन्।
खेलको २६ औं मिनेटमा आर्मीका बिकास तामाङले पहेँलो कार्ड पाए। उनले च्यासलमा फरवार्ड सन्तोषलाई धकेलेका कारण पहेँलो कार्ड पाए।
पहिलो १० मिनेटबाटै निरन्तर प्रयास गरेको आर्मीले पनि पहिलो हाफमा गोल गर्न नसक्दा गोलरहित बराबरीमा आधा खेल सकिएको थियो।
खेलको ५८ मिनेटमा आर्मीका कप्तान भरत खवासले गोल गरेर आर्मीलाई सुरुवाती अग्रता दिलाए। उनले पोसको दायाँ कुनामा प्रहार गरेका थिए।
त्यस्तै ७३ औं मिनेटमा शेशेहाङले दिएको पासलाई नवयुग श्रेष्ठले गोलमा परिणत गरेपछि आर्मीले दुई गोलको अग्रता बनाएको थियो।
८४ औं मिनेटमा आर्मीका सन्तोष तामाङले निर्णायक गोल गरेका थिए।
यो जितसँगै आर्मीले १६ अंक बनाएको छ। सात खेलमा पाँच खेलमा जित, एक हार र एक बराबरी खेल्दै उसले १६ अंक बनाएको हो।
च्यासल युथ क्लबले अंक जोड्न नसक्दा तालिको १२ औं स्थानमै सिमित हुनु परेको छ।