उपसभामुख तुम्बाहाङ्फेद्वारा संसद् बैठकबाट राजीनामा घोषणा (सम्बोधनको पूर्णपाठसहित)

काठमाडौं–  उपसभामुख डा.शिवमाया तुम्बाहाङ्फेले प्रतिनिधिसभाको बैठकबाटै राजीनामाको घोषणा गरेकी छिन्।

सोमबार दिउँसो १ बजे बोलाइएको बैठकको अध्यक्षता गर्दै उपसभामुख तुम्बाहाङ्फेले बैठक सञ्चालन गरेकी थिइन्।

कार्यसूचीमा रहेका अन्य विषयलाई हटाउँदै उपसभामुख तुम्बाहाङ्फेले संसदमा आफ्नो कुरा राखेकी छन्।

अप्रत्याशित र अस्वभाविक घटनाका कारण सभामुखको पद रिक्त भएको र उक्त कठिन अवस्थाको समाधान गर्न आफूले पटकपटक पहल गरेको उनले बताइन्।

‘मैले पटक पटक सम्बन्धित पक्षको ध्यान आर्कषण गराउने काम गरेँ,’ उनले भनिन्, ‘सभामुख चयनको ठोस कुरा आएपछि मैले मार्गप्रशस्त गर्ने भनेका थिएँ। आजबाट मार्ग प्रशस्त गरिदिएकी छु।’

उनले संसद बैठकमै राजीनामाको घोषणा गर्दै भनिन्, ‘झण्डै दुई वर्षमा मैले धेरै राम्रो अवसर पाएँ। एक त महिला, र जनजाति पृष्ठमूमिबाट आएकोले यस अवसरलाई राम्रो ठानेको छु। यसको श्रेय हाम्रो प्रणाली र राजनीतिक दललाई जान्छ।’

प्रतिनिधिसभाको अर्को बैठक दिउँसो ४ बजेका लागि बोलाइएको छ।

उक्त बैठकको अध्यक्षता प्रतिनिधिसभाको वरिष्ठ सदस्य महन्थ ठाकुरले गर्नेछन्। बैठकबाट सभामुख र उपसभामुख चयनको प्रक्रिया सुरु हुनेछ।

उपसभामुख तुम्बाहाङ्फेको सम्बोधनको पूर्ण पाठ: