तीन फरार हत्या आरोपित पक्राउ

काठमाडौं– पर्साको बहुदरमाई नगरपालिका–७ का २५ वर्षीय सुरेन्द्र सहनीको हत्या आरोपित तीन जनालाई प्रहरीले पक्राउ गरेको छ।

वीरगन्ज महानगरपालिका–११ का २२ वर्षीय अजयकुमार साह, २० वर्षीय कृष्णकुमार गुप्ता र २० वर्षीय राजन साह कानुलाई प्रहरीले आइतबार पक्राउ गरेको हो।

उनीहरूमाथि गत पुस १९ गते सहानीलाई चक्कु प्रहार गरी हत्या गरेको आरोप छ।

प्रहरीका अनुसार उनीहरू सहनीको शव वीरगन्ज महानगरपालिका–२२, जगरनाथपुरस्थित बासघारीमा फालेको अवस्थामा फेला परेका थिए। त्यसको केही समयपछि उनीहरू फरार भएका थिए।

घटनाबारे थप अनुसन्धान भइरहेको प्रहरीले जनाएको छ।