विहीबार, चैत २७, २०७६

समाज

खाद्यवस्तुको पसल खोल्न व्यापारीलाई सरकारको निर्देशन

1584667524home-ministry.jpg

काठमाडौं– सरकारले खाद्यवस्तुको बिक्रि गर्ने पसलहरु खोल्न व्यापारीलाई निर्देशन दिएको छ ।

लकडाउन’को पहिलो दिन कतिपय आवश्यक खाद्यवस्तु बिक्री हुने पसल समेत बन्द भएपछि गृह मन्त्रालयले अत्यावश्यक खाद्यवस्तु बिक्री गर्ने पसलहरु निर्बाध रुपमा सञ्चालन गर्न निर्देशन दिएको हो ।

गृह मन्त्रालयका सहप्रवक्ता केदारनाथ शर्माद्वारा जारी विज्ञप्तिमा भनिएको छ ‘पहिलो दिन भएकाले आवश्यक वस्तु र सेवा सञ्चालन गर्ने निकायहरु फाट्टफुट्ट बन्द भएको पनि देखिएका छन्। त्यस्ता सेवा सञ्चालन गर्न गृहमन्त्रालय अनुरोध गर्दछ ।’

गृहले स्वास्थ्य, सुरक्षा, खाद्यवस्तु, खानेपानी, दूध, विद्युत, दूरसञ्चार, भन्सार, फोहोरमैला व्यवस्थापनलगायत कारोबार गर्ने पसलहरु बन्द नहुने स्पष्ट पारेको छ ।

विज्ञप्तिमा ‘लकडाउन’को व्यवस्थालाई कार्यान्वयन गर्न आमनागरिकलाई आग्रह गरिएको छ।

प्रतिक्रिया दिनुहोस्