काठमाडौं- भारतमा रहेका नेपाली कांग्रेसका वरिष्ठ नेता रामचन्द्र पौडेलले त्यहाँका रक्षामन्त्री राजनाथ सिंहसँग भेट गरेका छन्।
उपचारका शिलशिलामा नयाँ दिल्लीमा रहेका वरिष्ठ नेता पौडेलले भारतीय जनता पार्टीका पूर्व अध्यक्षसमेत रहेका रक्षा मन्त्री सिंहसँग बुधबार भेटवार्ता गरेका हुन्।
भेटमा नेपाल र भारतबीचको सम्बन्ध तथा वर्तमान राजनीतिक अवस्थाबारे छलफल भएको पौडेलले जनाएका छन्।
वरिष्ठ नेता पौडेल उपचारका लागि सोमबार नयाँदिल्ली गएका थिए।