चन्द्रमामा सँगै जान २० वर्ष पुगेकी युवतीको खोजी

काठमाडौं- एक जापानी अर्बपतिलाई महिला पाटर्नरको आवश्यकता परेको छ, त्यो पनि सँगै चन्द्रमामा जान।

जापानका १७ औं धनाढ्य व्यक्ति भनिएका युसाकु मएजावाले आफूलाई चन्द्रमामा जान एक महिला पार्टनरको आवश्यकता रहेको ट्वीटरमार्फत् जानकारी गराएका छन्।

उनले ट्वीटरमा विज्ञापन गर्दै २० वा त्याेभन्दा बढी उमेरकी र आफ्नो जिन्दगीको हरेक पल स्मरणीय बनाउन चाहने युवतीको खोजी गरेका हुन्।

समाचार एजेन्सीहरुका अनुसार केही अघिसम्म जापानकी एक नायिकसँग प्रेममा रहेका उनको हालै मात्र ब्रेकअप भएको हो। 

उनको पार्टनर बन्न चाहने युवतीले जनवरी १७, २०२० भित्रै दरखास्त दिइसक्नु पर्नेछ। 

तीन बच्चाका पिता युसाकुले भनेका छन्, ‘म आजसम्म आफ्नो चाहना बमोजिम बाँचेको छु।  अब ४४ वर्षको भएँ, यो उमेरमा एक्लो महशुस हुँदो रहेछ त्यसैले अब एक महिलासँग प्रेम गर्नुपर्छ भन्ने ठानेको छु।’

युसाकुले आफ्नो ट्वीटरमा लेखेका छन्, ‘के तपाईँ चन्द्रमामा जाने पहिलो महिला बन्न चाहनुहुन्छ ?’

युसाकुले जापानको चर्चित अनलाईन फेशन कम्पनी जोजो गत वर्ष याहुलाई बेचेका थिए।

सन् २०२३ मा चन्द्रमामा जाने योजना बनाएका उनी अलोन मस्क स्पेसएक्सको यात्रा गर्ने पहिलो ग्राहकसमेत हुन्।

२ खर्ब २६ अर्ब रुपैयाँ बराबरको सम्पत्ति रहेका उनी जापानका १७ औँ धनी व्यक्ति हुन्।

[WANTED!!!]
Why not be the ‘first woman’ to travel to the moon?#MZ_looking_for_lovehttps://t.co/R5VEMXwgglpic.twitter.com/mK6fIJDeiv

— Yusaku Maezawa (MZ) 前澤友作 (@yousuck2020) January 12, 2020