काठमाडौं- पश्चिमी वायुको प्रभावका कारण आज (सोमबार)बाट फेरि वर्षा र हिमपात हुने भएको छ ।
आज बेलुकीपख पश्चिमबाट प्रवेश गर्ने न्यून चापिय प्रणालीका कारण फेरि वर्षा र हिमपात हुने मौसम पूर्वानुमान महाशाखाले जनाएको छ । तर, यसको प्रभाव भने पश्चिमी क्षेत्रमा मात्रै देखिने छ ।
खासगरि सुदुरपश्चिम र कर्णाली प्रदेशका जिल्लाहरुमा यसको प्रभाव बढि देखिने महाशखाकी मौसमविद् प्रतिभा मानन्धरले जानकारी दिइन् । उनका अनुसार आज बेलुकाबाट यस क्षेत्रमा वर्षा हुनेछ भने उच्च पहाडी र हिमाली भूभागमा हिमपात हुनेछ ।
यसपटकको पश्चिमी वायुको प्रभाव भने काठमाडौं उपत्यका र पूर्वी क्षेत्रमा नदेखिने उनले जानकारी दिइन् । उनले भनिन्- 'यसपटक पश्चिमी क्षेत्रमा मात्रै वर्षा र हिमपात हुने देखिएको छ । यो क्रम आज र भोली चल्ने छ भने पर्सी (बुधबार)बाट क्रमश सुधार हुनेछ ।'
आज मध्य र पूर्वी भूभागमा सामान्यतः मौसम सफा रहने अनुमान गरिएको छ। मौसमविद् मानन्धरका अनुसार काठमाडौं उपत्यकामा सामान्य हुस्सु लागेपनि तराई भेगमा भने यतिखेर बाक्लो हुस्सु लागेको छ ।
यस्तो हुनेछ तीन दिनको मौसम
पौष २८ गते (सोमबार)
दिउँसो: देशका पहाडी भू-भागहरुमा मौसम सामान्यतया सफा रहनेछ । तराई भू-भागहरुमा हुस्सु/कुहिरो लाग्ने सम्भावना छ।
राति: देशका पश्चिमी भूभागमा आंशिकदेखि सामान्य बदली भई अन्य भू्-भागमा मौसम सामान्यतया सफा रहनेछ । पश्चिमी पहाडी भू-भागका एक-दुई स्थानमा हल्का वर्षाको साथै पश्चिमी उच्च पहाडी तथा हिमाली भू-भागका एक-दुई स्थानहरुमा हल्का हिमपात हुने सम्भावना रहेको छ।
पौष २९ गते (मंगलबार)
दिउँसो: देशका पश्चिमी भू-भागमा सामान्य बदली भई अन्य पहाडी भू्-भागमा आंशिक बदली रहनेछ । पश्चिमी भू-भागका थोरै स्थानहरुमा हल्का वर्षाको साथै पश्चिमी उच्च पहाडी तथा हिमाली भू-भागका थोरै स्थानहरुमा हल्कादेखि मध्यम हिमपात हुने सम्भावना रहेको छ।
राति: देशका पश्चिमी भू-भागमा सामान्य बदली भई अन्य भू्भागमा मौसम सामान्यतया सफा रहनेछ । पश्चिमी भू-भागका एक-दुई स्थानमा हल्का वर्षाको साथै पश्चिमी उच्च पहाडी तथा हिमाली भू-भागका थोरै स्थानहरुमा हल्का हिमपात हुने सम्भावना रहेको छ।
माघ १ गते (बुधबार)
दिउँसो : देशका पश्चिमी भू-भागमा आंशिकदेखि सामान्य बदली भई अन्य भू्-भागमा मौसम सामान्यतया सफा रहनेछ । पश्चिमी भू-भागका एक-दुई स्थानमा हल्का वर्षाको साथै पश्चिमी उच्च पहाडी तथा हिमाली भू-भागका थोरै स्थानहरुमा हल्का हिमपात हुने सम्भावना रहेको छ।
राति: देशभरको मौसम सामान्यतया सफा रहनेछ ।