शुक्रबार, चैत २८, २०७६

समाचार विदेश

भारतमा कोरोना संक्रमणबाट थप एककाे मृत्यु, मर्नेको संख्या पाँच पुग्यो

1584758328Corona_Indai_1.jpg

नयाँ दिल्ली– कोरोना भाइरस (कोभिड–१९)को संक्रमणबाट भारतमा थप एक जनाको ज्यान गएको छ।

वर्ल्डओमिटरडटइन्फोका अनुसार भारतमा पछिल्लो २४ घन्टामा एक जनाको ज्यान गएको हो। यससँगै भारतमा कोरोना संक्रमणबाट ज्यान गुमाउनेको संख्या पाँच पुगेको छ। भारतमा यसअघि दिल्ली, कर्नाटक, महाराष्ट्र र पन्जाब राज्यका एक–एक जनाको कोरोना संक्रमणबाट ज्यान गएको थियो।

वर्ल्डओमिटरडटइन्फोका अनुसार पछिल्लो २४ घन्टामा त्यहाँ ५५ जनामा संक्रमण पुष्टि भएको छ। यससँगै त्यहाँ दुई सय ४९ जनामा संक्रमण पुष्टि भएको छ।

पाकिस्तानमा पनि एकको मृत्यु, संक्रमितको संख्या पाँच सय नाघ्यो

दक्षिण एसियामा सबैभन्दा बढी कोरोना संक्रमण देखिएको पाकिस्तानमा पछिल्लो २४ घन्टामा कोरोना संक्रमणबाट एक जनाको ज्यान गएको छ। यससँगै त्यहाँ कोरोना संक्रमणबाट ज्यान गुमाउनेको संख्या तीन पुगेको छ।

पाकिस्तानमा पछिल्लो २४ घन्टामा ४७ जनामा संक्रमण पुष्टि भएको वर्ल्डओमिटरडटइन्फोले जनाएको छ। यससँगै त्यहाँ कूल संक्रमण पुष्टि भएको संख्या पाँच सय एक पुगेको छ।

प्रतिक्रिया दिनुहोस्