काठमाडौं– गृह मन्त्रालयले दुई सातामा कर्णाली र सुदूरपश्चिम प्रदेशका १७ सय छाउगोठ भत्काएको जनाएको छ।
छाउपडी प्रथाका कारण महिलाले ज्यान गुमाउनु परेको भन्दै मन्त्रालयले कर्णाली र सुदूरपश्चिम क्षेत्रमा छाउगोठ भत्काउने अभियान थालेको हो ।
मन्त्रालयले छाउगोठ भत्काउन जिल्ला प्रशासन कार्यालय र प्रहरी कार्यालयलाई परिचालन गरेको छ। मन्त्रालयका अनुसार पहिलो चरणमा छाउगोठ भत्काउने र दोस्रो चरणमा स्थानीयलाई जनचेतना प्रवाह गरिनेछ।
छाउपडी प्रथाका कारण महिलाले ज्यान गुमाएपछि यस्तो अभियान थालिएको मन्त्रालयले जनाएकाे छ।
गृहको अभियान विथोल्ने र छाउप्रथालाई प्रोत्साहन गर्नेमाथि फौजदारी अपराध संहिताअनुसार कारबाही हुने उनको भनाइ छ।
छाउगोठमै सर्पको टोकाइ, चिसोजस्ता कारणले महिलाले ज्यान गुमाउने गरेका छन्।
सुदूरपश्चिम तथा कर्णाली प्रदेशमा महिनावारी भएका महिला घरदेखि अलग्गै बस्ने प्रचलन छ, यसैलाई छाउपडी प्रथा भनिन्छ।