काठमाडौं– सप्तरीमा एकै दिन विभिन्न मुद्दामा फरार १७ अभियुक्त पक्राउ परेका छन्।
जिल्ला प्रहरी कार्यालय, सप्तरीले विभिन्न स्थानबाट फरार १७ अभियुक्तलाई सोमबार पक्राउ गरेको हो।
अदालतबाट कैद तथा जरिवाना तोकिई फरार रहेका अभियुक्तलाई लुकीछिपी बसिरहेको अवस्थामा पक्राउ गरिएको प्रहरी नायब उपरीक्षक तिलक भारतीले जानकारी दिए।
उनका अनुसार पक्राउ पर्नेमा बोदे बर्साइन नगरपालिका–१० का ५९ वर्षीय खगेन्द्र यादव, खड्क नगरपालिका–४ का ५८ वर्षीय इसराइल मियाँ, सोही नगरपालिका–६ का राजकुमार साह, खड्क नगरपालिका–९ का अरुणकुमार चौधरी र सोही क्षेत्रकी सुकमारदेवी चौधरी छन्।
यस्तै, बोदे बर्साइन नगरपालिका–९ का ४७ वर्षीय चन्देश्वर साह तेली, खड्क नगरपालिका–६ का नजबुद मियाँ र सोही नगरपालिका–९ का दीपनारायण चौधरी, राजगढ गाउँपालिका–२ का बलवीरकुमार यादव, बलान बिहुल गाउँपालिका–३ का ५४ वर्षीय जयराम साह र सुरुङ्गा नगरपालिका–९ का ४० वर्षीय नरसिंह चौधरी पक्राउ परेका छन्।
प्रहरीले खड्क नगरपालिका–९ का फागु मण्डल, बोदे बर्साइन नगरपालिका–९ का ५७ वर्षीय झौली मण्डल, सोही नगरपालिका वडा नम्बर २ का ४७ वर्षीय महेन्द्र साह र ३८ वर्षीय रामसुन्दर यादव, खड्क नगरपालिका बद्री चौधरी र संगीताकुमारी चौधरी पक्राउ गरेको छ।