विहीबार, जेठ १५, २०७७

समाचार

प्रदेश २ को नामकरणका लागि मतदान हुँदै

158443468790105636_269643937362171_42217.jpg

जनकपुरधाम– प्रदेश २ को नामकरण गर्न मतदान सुरु भएको छ। नेकपाले प्रस्ताव गरेको जानकी प्रदेश नामकरण गर्न प्रदेशसभा परिसरमा मतदान सुरु भएको हो।

नेकपाको प्रस्तावमाथि मतदान भइसकेपछि मतदान हुनेछ । जानकी प्रदेशको पक्षमा दुई तिहाइ नपुगे अर्को प्रस्तावमा मतदान हुने सभामुख सरोजकुमार यादवले बताएका छन्। नामकरणका लागि दर्ता भएका प्रस्तावहरुमाथि क्रमअनुसारनै मतदान हुने उनले जनाए ।

दोस्रो नम्बरमा नेपाली कांग्रेसले मिथिला भोजपुरा, तेस्रो नम्बरमा कांग्रेसका राजेश्वरप्रसाद साहले मध्य प्रदेश र चौथो नम्बरमा सत्तासीन दल समाजवादी पार्टी र राजपाको मधेश प्रदेश प्रस्ताव दर्ता भएको छ।

१०७ जना प्रदेश सांसद रहेको प्रसेश २ मा दुई तिहाइ बहुमत पुर्याउन ७२ मत आवश्यक छ।

प्रतिक्रिया दिनुहोस्