काठमाडौं- लगातार बढिरहेको सुनको मूल्यले नयाँ रेकर्ड राख्दै गएकको छ। आइतबार बढेको सुनको मूल्य सोमबार पनि बढेको हो।
आइतबार छापावाल सुनको मूल्य प्रतितोला ७५ हजार ५ सय पुगेको थियो भने सोमबार पुनः ५ सय बढेर ७६ हजार पुगेको हो।
यो मूल्य नेपालको इतिहासकै सबैभन्दा धेरै हो।
त्यस्तै सोमबार तेजाबी सुनको मूल्य प्रतितोला ७५ हजार ७ सय पुगेको छ।
सुनको मूल्य घट्ने कुनै संकेत नरहेको व्यवसायीहरुले बताएका छन्। उनीहरुका अनुसार मंगलबार पनि सुनको मूल्य पुनः बढ्ने सम्भावना छ।
भारतीय रुपैयाँ कमजोर र डलर बलियो हुँदै जाँदा यसको असर सुनमा परेको व्यवसायीहरुको ठहर छ।