देशका केही स्थानमा भारी वर्षाको सम्भावना

काठमाडौं- शनिबार मुलुकका धेरै स्थानमा वर्षाको सम्भावना छ। मनसुनी न्यून चापीय रेखा नेपालको तराई भू-भागभन्दा केही तल रहे पनि वर्षाको सम्भावना कायमै रहेको मौसम पूर्वानुमान महाशाखाले जानकारी दिएको छ। 

महाशाखाका अनुसार दिउँसो  धेरै स्थानमा हल्कादेखि मध्यम वर्षाको सम्भावना छ। त्यसमा पनि प्रदेश १ र गण्डकीका एक वा दुई स्थानमा मेघगर्जन,चट्याङसहित भारी वर्षाको आँकलन गरिएको छ।

राति प्रदेश २ र गण्डकीका एक वा दुई स्थानमा भारी वर्षाको सम्भावना रहेको महाशाखाले उल्लेख गरेको छ। यसैगरी, आइतबार धेरै स्थानमा हल्कादेखि मध्यम वर्षाको सम्भावना छ।