काठमाडौं– सिद्घार्थ बैंकले आफ्नो १७ औं वार्षिकोत्सवको उपलक्ष्यमा २०७६ पुस ११ देखि १६ गतेसम्म देशका विभिन्न १० स्थानहरु विराटनगर, दमक, भरतपुर, जनकपुर, हेटाैडा, काठमाडौं, पोखरा, बुटवल, नेपालगञ्ज र धनगढीमा सप्ताहव्यापी रक्तदान कार्यक्रम सम्पन्न गरेको छ ।
बैंकका उच्च व्यवस्थापन तहका कर्मचारी लगाएत अधिकांश कर्मचारी, ग्राहकवर्ग तथा सर्वसाधारणको उल्लेखनीय सहभागिता रहेको उक्त रक्तदान कार्यक्रममा ४ सय ९८ जना रक्तदाताहरुले रक्तदान गरेका थिए । यस कार्यक्रमबाट देशमा विद्यमान रक्त अभावलाई केहि हदसम्म भए पनि सहज हुने विश्वास बैंकले लिएको छ ।