नयाँ वर्ष २०२० सुरु, यसरी गरियो विश्वभरबाट स्वागत (फाेटाे फिचर)

काठमाडौं- अंग्रेजी नयाँ वर्ष २०२० आजदेखि सुरु भएको छ ।

नयाँ वर्षलाई विश्वभरका मानिसले भब्यताका साथ स्वागत गरेका छन् । कयौं ठाउँमा भव्य अतिशवाजीसहित यसको स्वागत गरिरहेका छन् ।

नेपालमा पनि विभिन्न स्थानमा विशेष कार्यक्रम गरेर युवा जमातले अंग्रेजी नयाँ वर्षलाई स्वागत गरेका छन् ।

विशेषगरी सामाजिक सञ्जालहरु नयाँ वर्ष २०१६ का शुभकामनाले भरिएका छन् । नयाँ वर्षकै अवसरमा विभिन्न स्थानमा सांगीतिक कार्यक्रमको आयोजना गरिएको छ ।

पर्यटकीय स्थलहरुमा राति अबेरसम्म नयाँ वर्षको स्वागतमा विभिन्न कार्यक्रम भएका थिए।

नयाँ वर्षको पूर्वसन्ध्यामा गएराति प्रमुख पर्यटकीय केन्द्र ठमेल, दरबारमार्ग लगायतका राजधानीका विभिन्न स्थानमा सांगीतिक कार्यक्रम भएको थियो ।नयाँ वर्ष मनाउने सर्वसाधारणको उत्साहपूर्ण भिड देखिएको थियो ।

आज सन् २०२० को पहिलो दिनमा काठमाडौंको दरबारमार्ग, ठमेलसँगै भक्तपुरको नगरकोट, पोखरा, चितवनको सौरहालगायतका स्थानमा विशेष कार्यक्रम भइरहेका छन् ।

ईसापुर्व २००० बर्ष पहिले इराकको मेसोपोटा मियाबाट नयाँ बर्ष मनाउने प्रचलन शुरु भएको हो । रोमन भाषाको जेनस शब्दबाट नयाँ बर्षको पहिलो महिना जनवरीको नामाकरण भएको मानिन्छ ।

तस्बिर– विभिन्न एजेन्सी र अन्तर्राष्ट्रिय सञ्चारमाध्यमबाट