सोमबार, जेठ १२, २०७७

समाचार खेलकुद

त्रिभुवन आर्मी आहा रारा गोल्डकपको सेमिफाइनलमा

1583848968aaha_rara_army.jpg

काठमाडौं - त्रिभुवन आर्मी क्लब पोखरामा जारी आहा रारा गोल्डकपको सेमिफाइनल प्रवेश गरेको छ।

मंगलबार भएको खेलमा सङ्कटा क्लबलाई ३-० ले पराजित गर्दै आर्मी सेमिफाइनलमा प्रवेश गरेको हो। विभागीय टोली आर्मीले खेलको पहिलो हाफमा एक र दोस्रो हाफमा दुई गोल भएको थियो। आर्मीका लागि खेलको १५ औं मिनेटमा नवयुग श्रेष्ठको क्रस पासलाई सदुपयोग गर्दै सुदील राईले गोल गरेका थिए। त्यसपछि खेलको ७१औं मिनेटमा सन्तोष तामाङले मैदानको दायाँ साइडबाट प्रहार गरेको कर्नर किकलाई नवयुग श्रेष्ठले गोलमा परिणत गरेका थिए। दोस्रो गोल भएको चार मिनेटपछि नै सुदील राइको स्थानमा मैदान प्रवेश गरेका विवेक बस्नेतले गोल गरे।

आर्मीले अब फागुन २९ गते मनाङ मर्स्याङ्दी क्लबसँग फाइनल प्रवेशका लागि प्रतिस्पर्धा गर्नेछ। प्रतियोगिताको पहिलो सेमिफाइनल खेलमा बुधबार थ्री स्टार क्लब र नेपाल पुलिस क्लब भिड्नेछन्।

प्रतिक्रिया दिनुहोस्