काठमाडौं– सल्यानमा घोडाले लात्ती हान्दा एक बालकको ज्यान गएको छ।
जिल्लाको बनगाड कुपिण्डे नगरपालिका–१ खहरेखोलाका ८ वर्षीय राजु बुढाको ज्यान गएको हो।
शुक्रबार साँझ घोडाको प्रहारबाट घाइते भएका बुढाको उपचारको क्रममा मेहलकुना अस्पतालमा मृत्यु भएको जिल्ला प्रहरी कार्यालय, सल्यानले जनाएको छ। छिमेकीको घरबाट खेलेर फर्किने क्रममा चरिरहेका घोडाले उनलाई लात्ती हानेको थियो।
मृतक बुढा उज्ज्वल स्टार बोडिङ स्कुल, सल्लीबजारमा कक्षा ३ मा पढ्दै आइरहेका थिए।
उनको शव परीक्षणका लागि जिल्ला अस्पताल, सल्यानमा राखिएको प्रहरीले जनाएको छ।