कैलालीमा आगो बाल्दै सशस्त्र

धनगढी - कैलालीमा केही दिनयता अत्यधिक चीसो बढेपछि सशस्त्र प्रहरी बल ३४ गण हेड क्वाटर कैलालीले विभिन्न स्थानमा आगो बाल्ने कार्य अघि बढाएको छ। सशस्त्रले डिभिजन बन कार्यालय कैलाली र स्थानीय सामुदायिक बनसंग समन्वय गरी आगो बाल्ने कार्य थालेको जानकारी दिएको छ।

कैलालीको घोडाघोडी नगरपालिका-१० पहलमानपु, डोकेबजार, धनगढी उपमहानगरपालिका-२ भन्साररोड, डिपोबजार, आदर्श टोल र पार्वतीचोक, पुनर्वास नगरपालिका-११ डोकेबजार, गोदावरी नगरपालिका-१ गेटा रोडचोक र बसपार्कचोक, लम्की चुहा नगरपालिका-१ लम्कीचोक, बल्चौरचोक र मोतिपुरचोक, जोशिपुर गाँउपालिका-१ जोशिपुर बजार त्यसै गरी भजनी नगरपालिका-२ भजनी बजार र भन्सार रोड र टिकापुर नगरपालिका-८ को सत्तिचोक र वडा नं ९ को बालुवाटार र खकरौला गरी जम्मा १८ स्थानमा सशस्त्रले सर्वसाधारणका लागि आगो बालेको छ।