कृष्णदासलाई थप तीन दिन हिरासतमा राख्‍न आदेश

काठमाडौं - आफ्नै अनुयायीलाई करणी गरेको आरोप लागेका सुनसरीको चतराका कृष्णदास महाराज भनिने कृष्णबहादुर गिरीलाई थप ३ दिन प्रहरी हिरासतमा राख्न अदालतले आदेश दिएको छ। सोमबार अदालत उपस्थित गराइएका कृष्णदासलाई अदालतले पुनः ३ दिनको म्याद थप गरेको हो।

कृष्णदास प्रहरीको नियन्त्रणमा रहेपनि अदालतको आदेशमा अस्पतालमै बस्दै आएका छन्। अदालतले स्वास्थ्य अवस्थालाई कारण देखाउँदै प्रहरी निगरानीमा रहने गरी बिराट नर्सिङ होममै राख्न आदेश दिंदै आएको छ । प्रहरी अनुसन्धान अपुरो रहेको भन्दै सरकारी वकिलले यसअघि १० दिनको म्याद थप मागेकोमा अदालतले दिएको ७ दिनको म्याद समेत सकिएपछि फेरी तीन दिनको म्याद थप गरिएको हो।