काठमाडौं- पत्रकार जमाल खशोग्गीको हत्या अभियोगमा साउदी अरेबियाको एक अदालतले ५ जनालाई मृत्युदण्डको सजाय सुनाएको छ।
पत्रकार खशोग्जीको हत्या प्रकरणमा ११ जनाविरुद्ध भएको सुनुवाइपछि ५ जनालाई मृत्युदण्डको जाय सुनाइएको बीबीसीले जनाएको छ।
साउदी अरेबियाका आलोचक पत्रकार खशोग्जीको गत वर्ष टर्कीको इस्तानबुलमा हत्या भएको थियो।
उनी पछिल्लो समय अमेरिकी सञ्चार गृह वाशिङटन पोस्टमा कार्यरत थिए। उनको हत्यामा साउदी राजकुमार मोहम्मद बिन सलमानको हात रहेको दावी गरिँदै आएको छ।
राजकुमार सलमानले भने गत अक्टोबरमा हत्यामा आफ्नो संलग्नता नरहे पनि देशको नेतृत्वकर्ताको हैसियतले घटनाको जिम्मेवारी लिएका थिए।