अछाम- साँफेबगर नगरपालिका वडा नम्बर ७ को बडासैन खेल मैदानमा सम्पन्न दोस्रो खुल्ला मेयर कप क्रिकेट प्रतियोगिताको उपाधि एञ्जिला पुस्तक साफेबगरले हात पारेको छ।
शनिबार भएको फाईनल खेलमा डिप्लव रिडीकोट क्रिकेट क्लबलाई ४ रनले पराजित गर्दै उपाधि हात पारेको हो।
उपाधि जितेसँगै एञ्जिालले नगद रु. १ लाख ५५ हजार हात पारेको छ भने उपविजेतामा चित्त बुझाएको रिडीकोटले नगद रु. ७७ हजार ६ सय हात पारेको छ।
टस जितेर पहिले ब्याटिङ गरेको एञ्जिलाले निर्धारित १५ ओभरमा ९ विकेट गुमाएर १ सय ६ रन बनाएको थियो।
१०७ रनको विजयी लक्ष्य लिएर मैदान उत्रिएको रिडीकोट १५ ओभरमा ९ विकेट गुमाएर १ सय २ रनमा समेटियो।
रिडीकोटका लागि नविन शाहले ३१ रन बनाए। एञ्जिलाका लागि अनुप छेडालले उत्कृष्ट बलिङ गर्दै ५ विकेट लिए।
प्रतियोगितामा अनुशासन टिमको रु. ११ हजार पुरस्कार बान्नीगढी जयगढ गाउपालिका, म्यान अफ द सिरिज १० हजार पुरस्कार एञ्जिलाका खेलाडी प्रकाश सिंह, उत्कृष्ट ब्याट्सम्यानको ५ हजार पुरस्कार एञ्जिलाका खेलाडी बिरेन्द्र चन्द र उत्कृष्ट बलरको ५ हजार पुरस्कार चौरपाटी गाउपालिकाका सुनिल विकले हात पारे।
पुस १ गतेबाट साफेबगर नगरपालिकाको आयोजनामा सुरु भएको दोस्रो खुल्ला मेयरकप त्रिकेट प्रतियोगितामा जिल्लाका ८ वटा टिमको सहभागिता रहेको थियो।