काठमाडौं– सिद्घार्थ बैंकले आइतबार प्रदेश नं ३, काभ्रे जिल्लाको बनेपास्थित अपाङ्ग बाल अस्पताल तथा पुनस्र्थापना केन्द्र्रलाई दश लाख रूपैयाँ आर्थिक सहयोग प्रदान गरेको छ । सो सहयोग रकम बैंकका अध्यक्ष मनोजकुमार केडियाले उक्त संस्थाका कार्यकारी चिकित्सा निर्देशक डा। विवेक बाँसकोटालाई प्रदान गरे ।
अपाङ्ग बाल अस्पताल तथा पुनस्र्थापना केन्द्र्रलाई बारा र पर्साका शारीरिक अशक्तता भएका बालबालिकाको आवश्यक शल्यक्रिया, फिजियोथेरापी तथा सहायक सामग्री प्रदान गर्ने कार्यका लागि संस्थागत सामाजिक उत्तरदायित्वअन्तर्गत बैंकले उक्त सहयोग रकम प्रदान गरेको हो । यस कार्यक्रमबाट बारा र पर्सा जिल्लाका २०० अपाङ्ग बालबालिकाको उपचारमा प्रत्यक्ष सहयोग पुग्ने बैंकले विश्वास लिएको छ ।