काठमाडौं– स्थायी कमिटी बैठक बस्नुअघि आज नेकपाको सचिवालय बैठक बसेको छ । प्रधानमन्त्रीको सरकारी निवास बालुवाटारमा बसेको बैठकले स्थायी कमिटी बैठकको लागि एजेन्डाहरु तय गरेको छ ।
पार्टी प्रवक्ता नारायणकाजी श्रेष्ठका अनुसार स्थायी कमिटी बैठकमा अध्यक्ष पुष्पकमल दाहालले प्रस्तुत गर्ने राजनीतिक प्रतिवेदन, विधान संशोधन, केन्द्रीय कमिटीको आगामी बैठक र नेपाल–भारत सीमा समस्याबारे छलफल हुनेछ । साथै अन्य विषयमा पनि बैठकमा छलफल हुने उनले जानकारी दिए ।
बैठकमा केहीबेर अध्यक्ष तथा प्रधानमन्त्री केपी ओली पनि सहभागी भएका थिए । उनले आफ्नो स्वास्थ्यमा तीव्र सुधार भइरहेको जानकारी दिएका थिए ।
नेकपाको स्थायी कमिटी बैठक आज दिउँसो १ बजे पार्टी मुख्यालय धुम्बाराहीमा बस्दैछ । एक वर्षपछि नेकपाको स्थायी कमिटी बैठक बस्न लागेको हो ।