धनगढी। कैलालीको गोदावरीमा अज्ञात समूहले स्काभेटरमा आगजनी गरेको छ। गोदावरी नगरपालिका–९ स्थित खुटीया खोलामा ढुंगा, गिट्टी बालुवा निकाल्न राखेको बा २ क ९७४८ नम्बरको स्काभेटरमा शनिबार राति अज्ञात समूहले आगजनी गरेको हो।
जिल्ला प्रहरी कार्यालय कैलालीका अनुसार उक्त स्काभेटरको इञ्जिनमा आंशिक क्षति भएको छ। प्रहरी नायव उपरीक्षक दक्ष कुमार बस्नेतले घटना सम्बन्धी अनुसन्धान भइरहेको बताए।