शनिबार, चैत २२, २०७६

समाचार
1582630903asina.jpg
सिन्धुपाल्चाेककाे इन्द्रावती गाउँपालिकामा मंगलबार परेकाे असिना। -सागर काेइरालाकाे फेसबुक पेज

काठमाडौं– राजधानीलगायत आसपासका क्षेत्रमा मंगलबार अपराह्न असिनापानी परेको छ। पानी परेपछि ललितपुर, भक्तपुर, सिन्धुपाल्चोक, काभ्रे लगायतका जिल्लामा बढी चिसो महसुस गरिएको छ।

यस्तै असिनापानीले खेतमा लगाइएको गहुँ र तरकारी बालीमा क्षति पुगेको छ।

प्रिमनसुन गतिविधि सुरु भएकाले देशका विभिन्न ठाउँमा पानी पर्ने सम्भावना रहेको मौसमविद् बरुण पौडेलले बताएका छन्। नेपालगन्ज, सुर्खेत, दाङ, चितवनलगायतका क्षेत्रमा भने सोमबारदेखि नै पानी परेको छ।

पश्चिमी वायुसँगै पूर्वमा बनेको न्यून चापीय प्रणालीको असरले मध्य र पूर्वको धेरै तथा पश्चिमको पहाडी क्षेत्रमा मेघगर्जनसहित पानी पर्ने र उच्च पहाडी तथा हिमाली भेगको थोरै ठाउँमा हल्का हिमपात हुने सम्भावना छ।

याे पनि :

मौसमविद् भन्छन्- अब दिनहुँजसो चट्याङसहित वर्षा

 

प्रतिक्रिया दिनुहोस्