काठमाडौं– तीन दिनदेखिको मौसम बदलीका कारण काठमाडौं उपत्यका वरपरका अग्ला डाँडामा हिउँ पर्न थालेको छ ।
काठमाडौंको पश्चिम डाँडो चन्द्रागिरीमा आज दिउँसोदेखि हिउँ पर्न थालेको चन्द्रागिरी हिल्स केबलकारका कर्मचारीले बताएका छन्।
हिउँ पर्न थालेसँगै मानिसकाे चाप बढेकाे छ। चन्द्रागिरीमा साँझसम्ममा बाक्लै हिउँ पर्ने अनुमान गरिएको छ ।डाँडाहरुमा हिउँ पर्न थालेसँगै काठमाडौं उपत्यकामा पनि चिसो बढेको महशुस भएको छ।
शुक्रबार बिहानदेखि नै काठमाडौं उपत्यकासहित पूर्वी भागमा पनि आकाश बादलले भरिएको छ।
मौसम पूर्वानुमान महाशाखाले काठमाडौंमा शुक्रबार साँझ पानी पर्न सक्ने जनाएको छ। दिउँसोदेखि नै सिमसिम पानी भने परिरहेको छ ।
शनिबारदेखि भने मौसममा सुधार हुँदै जाने बताइएको छ।
तस्बिर : चन्द्रागिरी हिल्स केबलकार