पहिलो हाफमा नेपाल र भुटानको बराबरी

काठमाडौं - १३औं दक्षिण एसियाली खेलकुद (साग) अन्तर्गत पुरुष फुटबलमा स्वर्णका लागि नेपाल र भुटानबीच प्रतिष्पर्धा भइरहेको छ। पहिलो हाफको खेल सकिँदासम्म दुबै टोलीले एक-एक गोलको बराबरी खेलेका छन्।

खेलमा अग्रता नेपालले १६औं मिनेटमा अभिषेक रिजालको गोलमार्फत लिएको थियो। अभिषेकले ६ यार्ड बक्स नजिकबाट प्रहार गरेको बलले पोष्टको जाली चुम्न पुगेको थियो। उनले विकास खवासको लामो थ्रोलाई गोलमा परिणत गरेका थिए। तर भुटानका कप्तान चेन्चो ग्याल्सेनले ३६ औं मिनेटमा बराबरी गोल फर्काएपछि पहिलो हाफमा अग्रता बनाउनबाट नेपाल चुकेको छ।

खेलमा दुबै टोलीले गोलका लागि केही सुन्दर अवसर सिर्जना गरेपनि थप गोल भने हुन सकेन।