काठमाडौं– गृह मन्त्रालय अन्तर्गतको राष्ट्रिय परिचयपत्र तथा पञ्जीकरण विभागले ठूलो संख्यामा कर्मचारी माग गरेको छ। विभागले राष्ट्रिय परिचयपत्र उपलब्ध गराउने कार्यक्रम अन्तर्गत घुम्ती सेवा सञ्चालनका लागि कर्मचारी माग गरेको हो।
विभागले ६ जिल्लामा करिब ६ सय कर्मचारी आवश्यक भएको जनाउँदै आवेदन आह्वान गरेको हो। विभागले झापामा १६४, ललितपुरमा ११७, कञ्चनपुरमा ९१, संखुवासभामा ४०, गुल्मीमा ७१ र चितवनमा ११७ जना कर्मचारी माग गरेको छ । कर्मचारीहरु करारमा भर्ना गरिनेछ । दरखास्तका लागि पुस ७ गतेसम्मको मिति तोकिएको छ।