नयाँ दिल्ली– यौन दुर्व्यवहारको आरोप लागेका भारतीय अखबार इन्डियन एक्सप्रेसका फोटो सम्पादक नीरज प्रियदर्शीले राजीनामा दिएका छन् । अखबारका कानुन निर्देशक वैदेही ठाकरका अनुसार उनको राजीनामा स्वीकृत भएको छ। यौन दुर्व्यवहारको मामलामा अखबारले शून्य सहनशिलताको नीति लिने पनि उनले स्पष्ट पारेकी छन् ।
हालैमात्र इन्स्टाग्राममा प्रियदर्शीले आफूमाथि यौन दुर्व्यवहार गरेको आरोप लगाउँदै एक महिलाले उनीसँग भएको कुराकानी सार्वजनिक गरेकी थिइन् । ती महिलाले प्रियदर्शीविरुद्ध कुनै उजुरी भने दिएकी छैनन् ।
सन् १९९१ देखि इन्डियन एक्सप्रेसमा आवद्ध भएका प्रियदर्शी उक्त अखबारका पहिलो फोटोग्राफर हुन्।
द वायर