सागको एकै संस्करणमा गौरिकाले जितिन् तीन स्वर्ण

काठमाडौं– जारी १३ औं सागअन्तर्गत गौरिका सिंहले नेपाललाई पौडीतर्फ स्वर्ण पदक दिलाएकी छन् । आइतबार भएको चार सय मिटर फ्रि स्टाइलमा उनले स्वर्ण जितेकी हुन् ।

चार सय मिटर उनले ४ मिनेट २५ सेकेन्डमा पूरा गरेकी थिइन् । यससँगै जारी १३औं सागमा गौरिकाको स्वर्ण पदक संख्या तीन पुगेको छ ।

उनी सागको एउटै संस्करणमा तीन स्वर्ण जित्ने पहिलो नेपाली खेलाडी बनेकी छन्।