काठमाडौं– १३ औं दक्षिण एसियाली खेलकुद (साग)अन्तर्गत पुरुष बास्केटबलमा नेपाल सेमिफाइनल पुगेको छ।
त्रिपुरेश्वरस्थित राष्ट्रिय खेलकुद परिषद् (राखेप)स्थित कभर्ड हलमा आइतबार भएको खेलमा माल्दिभ्सलाई पराजित गर्दै नेपाल सेमिफाइनल पुगेको हो। नेपालले माल्दिभ्सलाई ७६–६२ ले पराजित गर्यो। टिमलाई जित दिलाउन असिम श्रेष्ठले १८, आयुस सिंहले १५ तथा सदिश प्रधानले १४ स्कोर गरे।
नेपालले सेमिफाइनलमा भारतसँग खेल्नेछ।
अर्को सेमिफाइनलमा बंगलादेश र श्रीलंका प्रतिस्पर्धा गर्नेछन्।