विराटनगरमा ग्यास लिक भएर आगलागी, वृद्धको मृत्यु

विराटनगर– विराटनगरमा ग्यास लिक भएर आगलागी हुँदा वृद्धको मृत्यु भएको छ।

विराटनगर–२, शनिहाटमा अन्दाजी ७० वर्षीय जयप्रसाद दाहाल आइतबार बिहान जलेको अवस्थामा मृत भेटिएका हुन्। काठमाडौं बस्दै आएका दाहाल केही दिनअघि विराटनगरमा एक्लै आएका थिए।

घटनाको अनुसन्धानका लागि प्रहरीले एक जनालाई नियन्त्रणमा लिएको छ।

ग्यास लिक भएर आगलागी भएको प्रहरीकाे प्रारम्भिक अनुमान छ।

घटनास्थलमा ग्यासको पाइप जलेको अवस्थामा र ग्यासको सिलिन्डर भेटिएको प्रहरीले जनाएको छ।