सोमबार, जेठ १२, २०७७

समाचार

जनताको लामो संघर्षको उपलब्धि प्रजातन्त्रः मुख्यमन्त्री पोखरेल

1582098950pravat_feri.jpg

भैरहवा । प्रदेश ५ का मुख्यमन्त्री शंकर पोखरेलले प्रजातन्त्र दिवसको शुभकामना दिँदै इतिहासको चर्चा गरेका छन्। उनले शुभकामना सन्देशमा नेपाली जनताको लामो संघर्ष र बलिदानबाट निरकुंश, जहाँनिया र तानाशाही शासन व्यवस्थाको अन्त्य भई लोकतान्त्रिक शासन व्यवस्थाको स्थापना भएको स्मरण गरेका छन्।

उनले अहिलेको संघीय लोकतान्त्रिक गणतन्त्रको जग पनि २००७ सालदेखि बसेको उल्लेख गरेका छन् । उनले भनेका छन्, “००७ सालदेखि उठेको संविधानसभाको माग २०६२–०६३ को जनक्रान्तिपछि पूरा हुन सम्भव भयो । र, संविधानसभाबाट नयाँ संविधान जारी भएको छ । संविधान अनुसार संघीय शासन प्रणाली विधिवत रुपमा स्थापित भएको छ ।”

मुख्यमन्त्री पोखरेलले प्रदेश सरकार समृद्ध प्रदेश,खुसी जनताको लक्ष्य बोकेर समृद्धिको अभियानमा अघि बढिरहेको बताएका छन् ।

प्रजातन्त्र दिवसको अवसरमा बुधबार बिहान बुटवलमा प्रभातफेरि कार्यक्रमको आयोजना गरिएको थियो ।

 

प्रतिक्रिया दिनुहोस्