काठमाडौं– १३ औं दक्षिण एसियाली खेलकुद प्रतियोगिता (साग)अन्तर्गत पाँच हजार मिटर दौडमा नेपालले स्वर्ण जितेको छ।
शुक्रबार बिहान भएको खेलमा नेपालका गोपीचन्द्र पार्कीले १४ मिनेट ५४.२० सकेन्डमा निर्धारित दूरी पार गर्दै स्वर्ण जिते।
त्यस्तै, रजत पदक भारतको पोल्टामा परेको छ। भारतका सुनिल दवालले १४ मिनेट ५५.२१ सेकेन्डमा दूरी पार गर्दै रजत जिते।
कांस्य पदक पनि नेपालले जितेको छ। नेपालका हरि रिमालले कांस्य जिते। योसँगै नेपालको स्वर्ण पदक संख्या ३७ पुगेको छ।