पोखरा- १३ औं दक्षिण एसियाली खेलकुद प्रतियोगिता (साग)अन्तर्गत महिला ह्यान्डबलमा नेपाल सेमिफाइनल पुगेको छ।
बिहीबार बिहान भएको खेलमा नेपाल बंगलादेशलाई २६–२४ ले पराजित गर्दै सेमिफाइनल पुगेको हो।
नेपालको जितमा उमा राईले सर्वाधिक आठ गोल गरिन्। यस्तै, निशा राईले पाँच तथा कविता राई र रन्जना राईले समान चार गोल गरे।
प्रतियोगिताअन्तर्गत नेपालले बुधबार श्रीलंकालाई २९–१९ ले पराजित गरेको थियो।