मालपोतका नासु र कार्यालय सहयोगी घुस रकमसहित नियन्त्रणमा

काठमाडौं- भूमिसुधार तथा मालपोत कार्यालय भक्तपुरमा कार्यरत नायब सुब्वा नारायणराज मिश्र र कार्यालय सहयोगी भाईकाजी गौतमलाई अख्तिारको टोलीले घुस रकमसहित नियन्त्रणमा लिएको छ।

सेवाग्राहीको मोही लगत कट्टा गर्ने प्रयोजनका लागि सेवाग्राहीबाट घुसबापत लिएको ४० हजार रुपैँयासहित मंगलबार नियन्त्रणमा लिएको अख्तियारले जनाएको छ।

मिश्रले कार्यालय सहयोगी गौतममार्फत् सेवाग्राहीबाट घुस लगेको सूचनाका आधारमा अख्तियारको टोलीले कार्यालय परिसरबाट नै नियन्त्रणमा लिएर अनुसन्धान भइरहेको प्रवक्ता प्रदीपकुमार कोइरालाले जानकारी दिए।