प्रहरी निरीक्षक र इन्जिनियर घुससहित पक्राउ

काठमाडौं - प्रहरी निरीक्षक र इन्जिनियर घुसहित पक्राउ परेका छन्। अख्तियार दुरुपयोग अनुसन्धान आयोगले शुक्रबार उनीहरूलाई घुससहित पक्राउ गरेको हो।
पक्राउ पर्नेमा जिल्ला प्रहरी कार्यालय सर्लाहीमा कार्यरत निरीक्षक रामकिशोर साह र सहरी विकास तथा भवन निर्माण विभाग, संघीय आयेजना कार्यान्यन एकाइ धनगढीका इन्जिनियर त्रिलोक जोशी छन्।

निरीक्षक साह ९० हजार र इन्जिनियर जोशी दुई लाख ५० हजार रुपैयाँसहित पक्राउ परेको अख्तियारले जनाएको छ।
साहले ठगीसम्बन्धी मुद्दामा सहयोग गरिदिने भन्दै घुस लिएका थिए। उनलाई अख्यितार टोलीले जनकपुर उपमहानगरपालिका–८ बाट पक्राउ गरेको हो।