सोमबार, फागुन १२, २०७६

समाज

पाँच किलो चरेशसहित दुईजना पक्राउ

पाँच किलो चरेशसहित दुईजना पक्राउ

काठमाडौं– कैलाली प्रहरीले करिब ५ किलो लागुऔषध चरेशसहित सहित २ जनालाई पक्राउ गरेको छ। महिलाले कम्मरमा बेरेर भारततर्फ जाँदै गरेको अवस्थामा उक्त चरेशसहित २ जनालाई पक्राउ गरेको कैलाली प्रहरीले जनाएको छ।

पक्राउ पर्नेमा कपिलवस्तु शिवराज नगरपालिका–९ बस्ने २४ वर्षीय विश्वास थापा र २५ वर्षीया सीता राना मगर छन् । सोमबार दिउँसो धनगढी बजारबाट दक्षिण भारतको सिमा नाका गौरीफण्टातर्फ गइरहेको अवस्थामा प्रहरी चौकी त्रिनगरबाट सादा पोशाकमा खटिएको प्रहरी टोलीले चेकजाँचका क्रममा उक्त चरेश फेला पारेको प्रहरीले जनाएको छ।

सीताले कम्मरमा कपडाभित्र लुकाई प्लाष्टिकमा बेरी राखेको अवस्थामा उक्त चरेश भेटिएको डिएसपी दक्ष बस्नेतले जानकारी दिए।

प्रतिक्रिया दिनुहोस्