मोटरसाइकल दुर्घटनामा मृत्यु

बाँके- बाँकेको चिसापानीमा सवारी दुर्घटनामा एक जनाको ज्यान गएको छ।

बाँकेको बैजनाथ गाउँपालिका-१, चिसापानीमा सुर्खेतबाट नेपालगञ्जतर्फ आउँदै गरेको क१प १०६ नम्बरको मोटरसाइकल दुर्घटना हुँदा जुम्लाकाे तातोपानी गाउँपालिका-४ का मनिकेश गौतमको ज्यान गएको जिल्ला ट्राफिक प्रहरी कार्यालयले जनाएको छ।

ट्राफिक प्रहरीका अनुसार दुर्घटनामा मोटरसाइकल चालकको घटनास्थलमै ज्यान गएको हो। सोमबार राति करिब ८ बजे मोटरसाइकल अनियन्त्रित भई दुर्घटना भएको ट्राफिक प्रहरीले जनाएको छ।