काठमाडौं- काठमाडौंको बानेश्वर चोकमा गाडीको ठक्करबाट डाक्टरको मृत्यु भएको छ ।
सिभिल हस्पिटलमा कार्यरत डाक्टर प्रभु जोशीलाई बाटो काट्ने क्रममा आइतबार बिहान गाडीले ठक्कर दिएको हो । उनलाई ठक्कर दिने सवारीसाधनको भने पहिचान हुन नसकेको प्रहरीले जनाएको छ ।
उनी मर्निङवाकमा रहेका बेला गाडीले ठक्कर दिएको प्रहरीको अनुमान छ । बिहानकै समयमा जोशीलाई ठक्कर दिएर सवारीसाधन भागेको हुनसक्ने प्रहरीले बताएकाे छ ।
सो क्षेत्रको सीसीटीभी फुटेजको अध्ययन गरी घटनाबारे अनुसन्धान भइरहेकाको प्रहरीले जनाएको छ।