ठाउँ ठाउँमा वर्षा र हिमपातको सम्भावना, यस्ताे हुनेछ तीन दिनकाे माैसम

काठमाडौं- पश्चिमी न्यूनचापीय प्रणालीको प्रभावका कारण देशैभरको मौसम आंशिकदेखि सामान्य बदली भएको मौसम पूर्वानुमान महाशाखाले जनाएको छ ।

केही स्थानमा हल्का वर्षा तथा उच्च हिमाली भेगमा हिमपातको सम्भावना रहेको महाशाखाले जारी गरेको बुलेटिनमा उल्लेख छ ।

महाशाखाले आइतबार (आज) बिहान जारी गरेका बुलेटिनमा पहाडि भू भागका एक वा दुइ स्थानमा हल्का बर्षा र हिमालि भु–भागका थोरै स्थानहरुमा हल्कादेखि मध्यम हिमपात हुने संभावना रहेको उल्लेख छ ।

डिसेम्बर १५ बाट चिसो अझै बढ्दै जाने मौसमविद् वरुण पौडेलले जानकारी दिए । उनका अनुसार शनिबार काठमाडौ उपत्यकाको न्यूनतम तापक्रम ९ डिग्रीसम्म थियो भने जुम्लाको तापक्रम माइनस २ सम्म पुगेको छ ।

यस्तो छ आगामी ३ दिनको मौसमी प्रक्षेपण

मंसीर ८ गते (आइतबार)

दिउँसो: देशभर आंशिक देखि सामान्य बदली रहि पहाडि भू भागका एक वा दुइ स्थानमा हल्का बर्षा र हिमालि भु-भागका थोरै स्थानहरुमा हल्का हिमपात हुने सक्ने देखिन्छ। ।

राती: देशका मध्य र पूर्वि भु-भागमा सामान्य बदली रहि पश्चिमी भु-भागमा आंशिक बदली रहनेछ। पूर्वि र मध्य पहाडि भू भागका एक वा दुइ स्थानमा हल्का बर्षा र हिमालि भु-भागका थोरै स्थानहरुमा हल्का हिमपात हुने सक्ने देखिन्छ।

मंसीर ९ गते (सोमबार)

दिउँसो: देशका मध्य र पूर्वि भु-भागमा सामान्य बदली रहि पश्चिमी भु-भागमा आंशिक रहनेछ। पूर्वि र मध्य पहाडि भू भागका एक वा दुइ स्थानमा हल्का बर्षा र हिमालि भु-भागका थोरै स्थानहरुमा हल्का हिमपात हुने सक्ने देखिन्छ।

राती: देशभर आंशिक देखि सामान्य बदलि रहनेछ।

मंसीर १० गते (मंगलबार)

दिउँसो: देशको पहाडी भूभागमा आंशिक देखि सामान्य वदली रही बाँकि भूभागमा आंशिक वदली रहने छ ।

राती: देशको पहाडी भूभागमा आंशिक देखि सामान्य वदली रही बाँकि भूभागमा आंशिक वदली रहने छ ।