प्रदेश १ का ७ सांसदले गरे समाजवादीमा सनाखत

विराटनगर- प्रदेश १ का ७ जना प्रदेश सांसद नेकपा एकीकृत समाजवादी पक्षमा खुलेका छन्। प्रदेश निर्वाचन कार्यालय विराटनगरमा आएका मध्ये ७ जनाले सनाखत गरेका छन्।

 सनाखत गर्नेमा सांसदहरू राजन राई, खिनु लङ्वा लिम्बू, सरिता खड्का, सावित्रा रेग्मी, गणेश काम्वाङ, पदमकुमारी गुरूङ, सुनिता चौधरी रहेका छन्। निर्वाचन कार्यालयमा उपस्थित राजेन्द्र राईले दुई जना सांसदले पर्खेको बताएका छन्। 

यसअघि समाजवादीको पक्षमा खुलेका उपेन्द्र घिमिरे र कृष्णकुमारी राई निर्वाचन कार्यालय आउँदै गरेको समाजवादीका केन्द्रीय सदस्य महेश रेग्मीले बताए।

निर्वाचन कार्यालयमा मोरंगको बुढीगंगा-४ का वडाध्यक्ष रेमश खनाल र बुढीगंगा-५ का वडाध्यक्ष कासिम मियाले पनि समाजवादीमा सनाखत गरेको रेग्मीले बताए।

भदौ २२ गतेसम्म सनाखतको समय रहेकाले समाजवादीको पक्षमा खुल्ने जनप्रतिनिधि बढ्ने उनले बताए।