पीएसजी विजयी

काठमाडौं - फ्रेञ्च लिग वानमा पेरिस सेन्ट जर्मेन (पीएसजी) विजयी भएको छ। पीएसजीले लिललाई २-० ले पराजित गर्दै लिगमा ११ अंकको अग्रता लिएको छ।

गएको अक्टोबरमा घाइते भएपछि नेयमार पहिलो पटक मैदानमा उत्रिएको खेलमा एञ्जेल डी मारिया र माउरो इकार्डीले एक-एक गोल गरे। नेयमार गत अक्टोबरमा ह्यामस्ट्रिङ इन्ज्युरीपछि मैदानमा फर्किन सकेका थिएनन्।

इकार्डीले १७औं मिनेटमा गोल गर्दै पीएसजीलाई अग्रता दिलाए। ३१औं मिनेटमा डी मारियाले गोल गर्दै पीएसजीको अग्रता दोब्बर बनाए।

जितसँगै पीएसजीले फ्रेञ्च लिग तालिकामा १४ खेलबाट ३३ अंक बनाएको छ। दोस्रो स्थानको मार्सेको १३ खेलबाट २२ अंक छ।