ट्रम्पले किन दिए इमरान खानलाई धन्यवाद ?

अमेरिकी राष्ट्रपति डोनल्ड ट्रम्पले पाकिस्तानका प्रधानमन्त्री इमरान खानलाई धन्यवाद दिएका छन् । अफगान मामलामा सघाएको भन्दै ट्रम्पले खानलाई धन्यवाद दिएका हुन् ।

हालै तालिबानले अफगान सरकारसँग कैदीको अदलाबदली गरेको थियो । यसक्रममा लामो समयदेखि बन्धक बनाइएका एक अमेरिकी र एक अष्ट्रेलियाली नागरिक रिहा भएका थिए । पाकिस्तानी प्रधानमन्त्रीको कार्यालयका अनुसार यसकै लागि ट्रम्पले खानलाई धन्यवाद दिएका हुन् ।

जवाफमा खानले अफगानिस्तानमा शान्ति स्थापनाका लागि पाकिस्तानको प्रतिबद्धता दोहोर्याएका थिए ।

बीबीसी