काठमाडौं- प्रधानमन्त्री केपी शर्मा ओली मन्त्रिपरिषद् पुनर्गठनको तयारीमा जुटेका छन्।
बर्तमान मन्त्रिपरिषदका केही सदस्यहरुबाट असन्तुष्ट प्रधानमन्त्री ओलीले सोमबार नै मन्त्रिपरिषद् फेरबदल गर्ने तयारी गरेका हुन्।
आइतबार लामो समय बसेको नेकपा सचिवालय बैठकमा पार्टी अध्यक्षसमेत रहेका प्रधानमन्त्री ओलीले मन्त्रिपरिषद् तत्काल पुनर्गठन गर्नुपर्ने अवस्था भएको र त्यसका लागि आफू अन्तिम तयारीमा रहेको जानकारी गराएका थिए।
बैठकमा मन्त्रिपरिषदबाट ककसलाई हटाउने र कोको थप्ने भन्नेबारे छलफल भए पनि सार्वजनिक गरिएको छैन।
यसैबीच नेकपा सचिवालय बैठकले प्रवास समन्य कमिटीको इन्चार्जमा विन्दा पाण्डे, अध्यक्ष युवराज चौलागाई र सचिवमा श्रीप्रसाद साह चयन गर्ने निर्णय गरेको छ।