काठमाडौं- हुण्डी कारोबारमा संलग्न भएको आरोपमा प्रहरीले एक जना भारतीय नागरिकलाई नगद र चेकसहित काठमाडौंको कुलेश्वरबाट पक्राउ गरेको छ।
महानगरीय प्रहरी वृत्त कालिमाटीको टोलीले भारतको बेतिया जिल्ला, जोगपट्टी थाना घर भएका ५७ वर्षीय सत्यनारायण प्रसादलाई पक्राउ गरेको हो।
कालिमाटीका प्रहरी प्रमुख प्रहरी नायव उपरीक्षक रुगम कुँवरले सत्यनारायणको साथबाट नेपाली ३६ लाख रुपैयाँ, विभिन्न बैंकका ३७ लाख ५ हजार बराबरको ६ वटा चेक, १ लख १९ हजार भारतीय रुपैँया, खाली चेकबुक ६ वटा र मोबाइल बरामद गरेको जानकारी दिए।
अवैध रुपमा भारतीय नोटका साथै हुण्डी कारोबार गर्ने गरेको सूचनाका आधारमा लामो प्रयासपछि प्रसादलाई पक्राउ गरेको कुँवरले बताए ।
उनलाई थप अनुसन्धानका लागि सोमबार राजश्व अनुसन्धान विभाग हरिहर भवन पुल्चोक पठाउने तयारी भइरहेको प्रहरीले जनाएको छ।