धनगढी- भारतले नेपाली भूमि मिचेको बिरोधका युवाहरुले ‘गो ब्याक इन्डिया’ भन्दै धनगढीमा प्रदर्शन गरेका छन्।
नयाँ युवा, नयाँ सोच धनगढीको आयोजनामा नेपाली भूमि मिचिएको बिरोधमा धनगढीमा प्रदर्शन गरिएको हो।
लिपुलेक, लिम्पियाधुरा र कालापानी भारतको नयाँ राजनीतिक नक्सामा राखिएको भन्दै धनगढीलगायतका स्थानमा दिनहुँजसो प्रदर्शन भैरहेका छन्।
धनगढीको पार्कमोडबाट सुरु भएको प्रदर्शन मुख्यमन्त्रीको कार्यालय अगाडि कोणसभामा परिणत भएको थियो।
भारतको हस्तक्षेप बिरुद्ध प्रदर्शन गरिएको नयाँ युवा, नयाँ सोच धनगढीका अध्यक्ष ओमप्रकाश अवस्थीले बताए।
उनले भारतले अतिक्रमित नेपाली भूमि फिर्ता नगरेसम्म प्रदर्शन जारी राख्ने जानकारी दिए।