शुक्रबार, जेठ १६, २०७७

समाचार कला - साहित्य

‘राष्ट्रिय गजल महोत्सव २०७६’ सुरु

1580296291nepal_academy.jpg

काठमाडौं - प्रज्ञा प्रतिष्ठान र राष्ट्रिय युवा परिषद्को संयुक्त आयोजनमा ‘राष्ट्रिय गजल महोत्सव २०७६’ सुरु भएको छ। दुई दिनसम्म चल्ने महोत्सवमा देशभरका गजलकाहरुको सहभागिता रहेको छ। महोत्सवमा गजलकारहरुले गजल तथा गीति गजल प्रस्तुत गर्नेछन्।

कार्यक्रममा प्रतिष्ठानका कुलपति गङ्गाप्रसाद उप्रेतीले गजलप्रतिको आकर्षण बढ्दै गएकाले पहिलोपटक राष्ट्रियस्तरको गजल महोत्सवको अयोजना गरिएको बताए। “देश, विकास र समृद्धिको दिशामा अग्रसर बनिरहेको छ”, उनले भने, “सहित्यकारहरु निराशा र कुण्ठालाई पन्छाएर सकारात्मक सोचका साथ समग्र रुपान्तरणको अभियानमा अग्रसर हुनुपर्छ।”

उनले मुलुकको परिवर्तनमा कला, साहित्य क्षेत्रले पुर्‍याएको योगदानलाई आत्मसात् गर्दै वाङ्गमय क्षेत्रको विकासका लागि राज्यले ठोस योजना निर्माण गर्ने बताए। गजल साहित्यको विकासका लागि प्रतिष्ठानले काम गर्न सुरु गरेको भन्दै उप्रेतीले गजल साहित्यलाई प्रवर्द्धन गर्न खोजिएको बताए।

कार्यक्रम आयोजक समितिका संयोजक प्राध्यापक डा हेमनाथ पौडेलले महोत्सवले गजलको विकासमा महत्वपूर्ण योगदान पुर्‍याउने बताए। उनले बहुलतामा रहेको मुलुकका सबै भाषा, संस्कृतिको संरक्षण गर्न सके समृद्धिको अभियानले साकार रुप लिने बताए।

युवा परिषद्का उपाध्यक्ष माधव ढुङ्गेलले युवा अवस्थामा विकास भएको साहित्यले पछि व्यक्तिलाई अब्वल साबित गर्ने बताउँदै युवा उमेरलाई सिर्जनशील र रचनात्मक बनाउनुपर्ने बताए।

प्रतिक्रिया दिनुहोस्