बंगलादेश र नेपालका राष्ट्रपतिबीच भेटवार्ता

काठमाडौं - नेपालको औपचारिक सद्भावना भ्रमणमा रहेका बंगलादेशका राष्ट्रपति मोहम्मद अब्दुल हामिद र नेपालकी राष्ट्रपति विद्यादेवी भण्डारीबीच भेटवार्ता भएको छ।

बुधबार साँझ भएको भेटवार्तामा राष्ट्रपति द्वयबीच दुई देशबीच रहिआएको मैत्रीपूर्ण सम्बन्ध, आपसी हित र साझा चासोका विविध विषयमा छलफल हुनुका साथै दुबै मुलुकको आपसी सम्बन्धलाई थप मजबुत तुल्याउने विषयमा विस्तृत कुराकानी भएको राष्ट्रपति कार्यालयले जनाएको छ।

भेटवार्ता कार्यक्रममा उपप्रधानमन्त्री तथा रक्षा मन्त्री, परराष्ट्र मन्त्री, भौतिक पूर्वाधार तथा यातायात मन्त्रीलगायत नेपाल सरकार तथा बंगलादेश सरकारका उच्चपदस्थ अधिकारीहरूको उपस्थिति रहेको थियो।