मंगलबार, चैत २५, २०७६

विचित्र दुनिया

सफाइ कर्मचारीले चोरिन् राजाका ३६ वटा घडी

1580121354Morakko.jpg

एजेन्सी- दक्षिण अफ्रिकी देश मोरक्कोका राजा मोहम्मद छैटौँका ३६ वटा घडी चोरेको आरोपमा दरबारमा सरसफाइ गर्ने एक महिलालाई १५ वर्ष जेल सजाय भएको छ।

उनले चोरेका प्रत्येक घडीको मूल्य झण्डै साढे २२ लाख रुपैयाँ थियो। उनीसँगै घडी खरिद गर्ने सुन व्यापारीसमेत १४ अन्य पुरुषलाई ४ वर्षको जेल सजाय ताेकिएकाे छ।

सञ्चारमाध्यमहरुका अनुसार सुनबाट बनाइएका ती घडी गलाएर महिलाले सुन व्यापारीलाई बेच्ने गरेकी थिइन्। घडीमा भएको हिरा तथा सुन बेचेर उनले थुप्रै सम्पत्ति जोडेको जनाइएको छ।

सफाइ कर्मचारी रहेकी ती महिलाले आफूलाई सहयोग गर्ने विभिन्न व्यक्तिलाई पैसा दिएकी थिइन् भने आफ्नी बहिनीको नाममा एउटा घर किनेकी थिइन्। उक्त घरको मूल्य करिब ३० लाख रुपैयाँ थियो।

मोरक्कोका राजा मोहम्मद महँगो घडीका सौखिन हुन्। उनले राखेको ठाउँबाट घडी हराउन थालेपछि कर्मचारीले अन्य बजेटबाट घडी किनेर ल्याइदिने गरेका थिए।

राजा मोहम्मद महँगो पेन्टिङ खरिदका लागि पनि चर्चित छन्।

सन् २०१८ मा उनी एउटा घडीकै कारण भाइरल भएका थिए। त्यतिबेला उनको हातमा रहेको घडीको मूल्यको चर्चा निकै भएको थियो।

उक्त घडीको मूल्य करिब १३ करोड रुपैयाँ थियो।

प्रतिक्रिया दिनुहोस्